Хөтөлбөрийн зорилго: Монгол Улсын Тусгай хамгаалалттай газруудын
менежментийг сайжруулах, олон улсын сайн туршлагыг нэвтрүүлэх.

Хөтөлбөрийн мэдээлэл: Анх 2012 онд Хөвсгөл нуурын байгалийн цогцолборт газрыг хамгаалах, менежментийг нь сайжруулах зорилгоор “Lake Hovsgol Conservancy” хөтөлбөрийг эхлүүлсэнээр Монгол орны тусгай хамгаалалттай газрын менежментийг сайжруулах, менежментийн төлөвлөгөөг олон улсын стандартад нийцүүлэн боловсруулах, байгаль хамгаалагчдын мэргэжлийн ур чадварыг сайжруулах, чадавхижуулах, орон нутгийн иргэдийг аялал жуулчлалын чиглэлээр орлогоо нэмэгдүүлэхэд туслах талаар сургалтуудыг зохион явуулж ирсэн. 2021 оноос үйл ажиллагаа, цар хүрээгээ өргөжүүлж “National Park Academy” нэрийн дор Монгол улсын нийт тусгай хамгаалалттай газруудад хүрч ажиллахыг зорьж байна.