<h4 style="text-align: justify" id="87b4ed8c-f9ca-4fb9-8f69-a2bfc63e4a16" data-toc-id="87b4ed8c-f9ca-4fb9-8f69-a2bfc63e4a16">✏️Y STORY: Миний дурсамжид үлдэх биш амьдралд минь ч байгаасай гэж боддог олон найзууд бий.</h4>Сайн байцгаана уу? Намайг Төмөр овогтой Энгүүн гэдэг. Би одоо 17 настай шинэхэн оюутан. Намайг хүрээлж буй хүмүүс, надад нөлөөлж байгаа найзууд миний хувьд маш чухал гэж боддог. Хүн хамт байгаа хүмүүстэйгээ илүү адилхан болж тэдэнд уусдаг гэдэг үг байдаг даа. Би багаасаа л их яриа, нийтэч хүүхэд байсан учраас надад маш олон найзууд бий. Гэхдээ би өмнө нь хэзээ ч Монгол орныхоо бусад аймаг, орон нутгийн хүүхдүүдтэй найзалж үзээгүй байлаа. Дотно танилцах боломж ч угаасаа олддоггүй байсан. Гэтэл яг жилийн өмнө нэгэн чуулганд орсноор миний сэтгэж бодох цараа, танилын хүрээ төсөөлөхийн аргагүй их тэлсэн юм. Хамгийн гоё нь 21 аймаг, 9 дүүрэг бүрээс шалгарч ирсэн шилдэг хүүхдүүдтэй 3 өдрийн турш хамт байж, тэднээс суралцаж, туршлага солилцож, олон сайхан дурсамжийг бүтээж чадсан.Яг үнэндээ би аймгийн хүүхдүүд, орон нутгийн хүүхдүүд гэхээр л алслагдсан, хоцрогдсон хүүхдүүд гэж боддог байснаа нуухгүй ээ. Гэтэл үнэн хэрэгтээ надаас хэд хэдэн алхмын урд байгаа үнэхээр мундаг, сэргэлэн, хэрсүү, ухаалаг, авьяастай хүүхдүүд байдаг юм байна лээ. Өөр өөрсдийн аймаг, амьдардаг газартаа тулгамдаж буй асуудлаа хэлэлцэж, байгаль эх дэлхийгээ хайрлан хамгаалах, өв соёлоо тээн уламжлуулах тухай бодол саналаа солилцож, нэг нэгэндээ хүндэтгэлтэй хандаж байсан нь үнэхээр бахархмаар. Хоорондоо өөр зан араншин, өөр хүмүүжил, өөр үзэл бодолтой 90 ялгаатай ертөнц байсан хэдий ч бидний зорилго нэг байсан учраас нэгнээ ойлгож, хурдан дотносоход нөлөөлсөн юм шиг санагддаг.Хүнд өөрийн хүрээллээ сонгох боломж үргэлжид өөрийнх нь гарт байдаг мэт. Тийм сайхан хүрээлэл, найз нөхдөө олчихвол “Зөвхөн дурсамжид минь үлдэх биш амьдралд минь үргэлж байгаасай” гэж боддог юм билээ. Хэрвээ би тэр хуралдайд оролцох сонголтыг хийгээгүй бол намайг тойрсон дөрвөн уулаа хамгийн өндөр мэт санаж, өөрт бодогдсон ахар бодлоо хамгийн зөв мэт эндүүрч явах байсан биз ээ. Хүрээллээ зөв сонгож байгаарай. Зөв хүрээлэлд нэгдэх сонголт байвал заавал ашиглаж байгаарай.Өөр хоорондоо ялгаатай 90 хүнийг нэгтгэж байсан зорилго юу байсан бэ гэж үү? Байгальд ээлтэй, үндэсний өв соёлоо тээгч хүн байх л зорилго байсан юм.Түүхийн эзэн: YSC хөтөлбөрт Улаанбаатар хотоос оролцогч, Teen Хуралдай чуулган, YSC реалити шоунд оролцогч Т.Энгүүн

Миний дурсамжид үлдэх биш амьдралд минь ч байгаасай гэж боддог олон найзууд бий.

Дурсамжиндаа тодоор хадгалж, амьдралдаа үүрд үлдээмээр найзууд гэж бий.

✏️Y STORY: Миний дурсамжид үлдэх биш амьдралд минь ч байгаасай гэж боддог олон найзууд бий.

Learn how to grow and scale your online course business using our online course platform. EzyCourse blog is designed to teach you how to create and sell online courses.

Дурсамжиндаа тодоор хадгалж, амьдралдаа үүрд үлдээмээр найзууд гэж бий.

Дурсамжиндаа тодоор хадгалж, амьдралдаа үүрд үлдээмээр найзууд гэж бий.

Related Posts

Y Story: Зургаан сарын тансаглал

Y Story - Газрын зурагтай нөхөрлөсөн он жилүүд

Y Story: Миний дотнын найз

Y Story: Оролцоон дундаас өөрийгөө олдог

"СОР 28" Дэлхийн чуулганд Монгол охин