✏️Y STORY: Сайн байна уу, намайг Наранзул гэдэг. Би Завхан аймгийн Баянтэс суманд төрж өссөн. Одоо Seoul National University of Science and Technology-д бизнесийн удирдлага мэргэжлээр суралцаж байна.Анх “TEEN хуралдай” арга хэмжээнд оролцож байхдаа Монгол Экологи Төвийн хэрэгжүүлдэг YSC хөтөлбөрийн талаар мэдэж авсан. Дараа нь уг хөтөлбөрийн нэг сарын хугацаатай “Өвлийн дадлагын хөтөлбөрт” хамрагдсан. Хөтөлбөр үргэлжилж байх хугацаанд давхар солонгос хэлийг судалж, тухайн улсад одоогийн сурч буй сургуульдаа суралцана гэсэн зорилго өөртөө тавьсан байсан учир түүнтэйгээ уялдуулан тэр улсын талаар эх хэл дээр нь судлах даалгавар чиглүүлэгч Бат-Эрдэнэ ахаас авч ажиллаж байлаа.Сонирхолтой нь хөтөлбөрийн үеэр надад Сөүл хоттой ойр байрлалтай цэцэрлэгт хүрээлэн, парк, тусгай хамгаалалттай газрын талаар судлах байсан бөгөөд Сөүлд ирээд оюутнуудтай хамт нэг парк руу явах аялалд явсан маань хөтөлбөрт байхдаа судалж байсан тусгай хамгаалалттай парк маань байж таарсан нь их танил дотно санагдсан шүү.Би өөрөө мэдээлэл цуглуулж, түүн дээрээ дүн шинжилгээ хийх зэрэгт сонирхолтой байсан. Харин дадлагын хугацаанд энэ ур чадваруудыг шаардсан ажлыг бодитойгоор хийж, энэ талын чадвараа тодорхой хэмжээнд хөгжүүлсэн гэж боддог.Өмнө нь би маш хаалттай, дотогшоо хүүхэд байсан хэдий ч дадлагын хүрээнд өгөгдсөн ажлуудыг хийх явцад дээр дурдсан чадвараас эхлээд бусадтай нээлттэй байх, тэдэнтэй ярилцаж ойлголцон өөрийгөө зөв илэрхийлэх, бусдын өмнө өөртөө итгэлтэйгээр илтгэх зэрэг маш олон чухал чадваруудыг эзэмшсэн.Нээлттэй, бусадтай ярилцах дуртай, одоогийн би болж өөрчлөгдөхөд минь Монгол Экологи Төв томоохон нөлөө үзүүлсэн гэж боддог. Зөвхөн нэг сарын хугацаанд ийм мэдэгдэхүйц өсөлт гарч байсан болохоор аливааг оролдож үзээд тууштай хийвэл тодорхой үр дүн гарах юм байна гэдгийг ойлгосон.Ингээд нэг сарын хугацаа маш хурдан өнгөрч Монгол Экологи Төвийн хамт олон хөтөлбөрийн хаалтын үйл ажиллагааг сэтгэлээ шингээн бэлтгэн зохион байгуулж өгч байсан. Мөн дадлага хийсэн олон хүүхэд бүрт сэтгэл гаргаж, тэднийг урамшуулан дэмжиж байгаа нь шууд л мэдрэгдсэн. Магадгүй тэр мэдрэмжийг би хэзээ ч мартахгүй байх.Сүүлд бидэнд сертификат тарааж өгөх үед хөтөлбөрийн зохицуулагч Бат-Эрдэнэ ах маань намайг Солонгост суралцах зорилготойг мэдэж байсан болохоор ч тэр үү миний нэрийг дуудаж сертификатаа гардуулсны дараа шууд л солонгос хэлээр “Баяр хүргэе (축하해요)” гэж хэлж байсан үг нь миний нүүрэнд тодоос тод мишээл тодруулж, Солонгос улс руу суралцахаар явах зорилгыг маань ахин сануулж, түлхэц болохуйц энгийн хэрнээ хүчтэй үг болсон юм. Одоогоос яг жилийн өмнө YSCstory буланд өөрийн бага насныхаа талаарх түүхийг бичүүлж байсан бол энэ удаа зорьсон зорилгодоо хүрчхээд “Баяр Хүргэе” гэж хэлсэн хөтөлбөрийн зохицуулагч Бат-Эрдэнэ ахтайгаа Солонгос улсад уулзаж кофе уунгаа энэхүү түүхийг дурсан ярилцаж байгаа минь үнэхээр сайхан санагдаж байна.

Анх “TEEN хуралдай” арга хэмжээнд оролцож байхдаа Монгол Экологи Төвийн хэрэгжүүлдэг YSC хөтөлбөрийн талаар мэдэж авсан. 

Y STORY Наранзул

Learn how to grow and scale your online course business using our online course platform. EzyCourse blog is designed to teach you how to create and sell online courses.

Y STORY Наранзул

Y STORY Наранзул

Related Posts

Y Story: Зургаан сарын тансаглал

Y Story - Газрын зурагтай нөхөрлөсөн он жилүүд

Y Story: Миний дотнын найз

Y Story: Оролцоон дундаас өөрийгөө олдог

"СОР 28" Дэлхийн чуулганд Монгол охин